නව ආරක්ෂක ලේකම්වරයා ලෙස ගෝඨාභය රාජපක්ෂ මහතා අද (27) දිනයේදී පත් කෙරෙනු ඇති බවට අභ්‍යන්තර තොරතුරු වාර්තා කරයි.

මහින්ද රාජපක්ෂ මහතා නව අගමැතිවරයා ලෙස දිවුරුම් දීමෙන් අනතුරුව නැවත වරක් ආරක්ෂක ලේකම්ධූරය භාර ගන්නේද යන්න පිළිබඳ මාධ්‍යවේදීන් ගෝඨාභය රාජපක්ෂ මහතාගෙන් විමසා තිබූ අතර ඊට පිළිතුරු දෙමින් ඔහු පවසා තිබුණේ රට වෙනුවෙන් සේවය කිරීම සඳහා තනතුරු බලාපොරොත්තු නොවන අතර තනතුරු නොමැතිව සිය වගකීම ඉටු කරන බවයි.

ගෝඨාභය රාජපක්ෂ මහතා යළිත් ආරක්ෂක ලේකම් ලෙස කටයුතු කරනවාද නැද්ද යන්න පිළිබඳව මේ වන විටත් තීරණයකට එළඹ තිබිය යුතුය.

මෙම තීරණ සම්බන්ධයෙන් නිල වශයෙන් තොරතුරු වාර්තා නොවුණද අප වෙත ලැබෙන තොරතුරු වලට අනුව ගෝඨාභය රාජපක්ෂ මහතා යළි ආරක්ෂක ලේකම්වරයා ලෙස පත් කිරීමේ ඉඩකඩ වැඩි බවයි වාර්තා වන්නේ.

කෙසේවෙතත් පසුගිය කාලය පුරාම එකාබද්ධ විපක්ෂය තුළින්ම ගෝඨාභය රාජපක්ෂ විරෝධී මතවාදයක් ගොඩනැගෙමින් තිබුණි.

මේ අතර නව පොලිස්පතිවරයා ලෙස ජ්‍යෙෂ්ඨ නියෝජ්‍ය පොලිස්පති එස්.එම්.වික්‍රමසිංහ මහතා පත් කෙරෙනු ඇති බවට කියැවෙයි.

LEAVE A REPLY

Please enter your comment!
Please enter your name here